Sobre min
Son a Dra. Úrsula Casado, especialista en Psiquiatría,
profundamente apaixonada pola saúde mental e a psicofarmacoloxía.
Dediquei a miña carreira a acompañar as persoas na súa viaxe cara ao benestar emocional a través dunha atención próxima, rigorosa e compasiva.
Falo galego, castelán e inglés, o que me permite atender os meus pacientes na lingua na que se sintan máis cómodos.
Teño experiencia na abordaxe de diversos trastornos psiquiátricos, incluíndo ansiedade, depresión, trastornos do sono e TDAH en adultos, unha área á que dediquei especial atención nos últimos anos.
O meu compromiso é ofrecer un espazo seguro, profesional e libre de xuízos, onde cada paciente poida sentirse escoitado, comprendido e apoiado ao longo do seu proceso terapéutico.
A miña traxectoria
A miña traxectoria profesional comezou en Galicia, onde completei os meus estudos de medicina e posteriormente me especializei en Psiquiatría. Formeime no Hospital de A Coruña e desenvolvei o meu traballo clínico en diversos centros de saúde na Coruña e Lugo.
Posteriormente trasladeime a Irlanda, unha experiencia que ampliou profundamente a miña perspectiva profesional e humana sobre a atención á saúde mental. Alí traballei tanto no sistema hospitalario público como, posteriormente, no sector privado, incorporando diferentes enfoques clínicos e modelos de atención centrados na persoa.
Ao longo da miña carreira mantiven un firme compromiso coa formación continuada e a constante actualización de coñecementos. A Psiquiatría é unha disciplina en permanente evolución, e considero esencial ofrecer unha atención baseada na evidencia científica máis actual, sen perder nunca a proximidade e a sensibilidade cara a cada paciente.
A miña formación
Grao en Medicina. Universidade de Santiago de Compostela.
Programa Nacional de Formación de Especialistas — MIR en Psiquiatría no Hospital Universitario A Coruña.
Máster en Razoamento e Práctica Clínica, Universidade de Alcalá (UAH).
Máster en Psicofarmacoloxía, Universidade de Valencia.
Máster en Drogodependencias, Universidade de Barcelona.
Máster en Práctica Clínica con Nenos e Adolescentes, Universidade de Barcelona.
Curso Universitario en Psicopatoloxía, Universidade Francisco de Vitoria.
Curso Avanzado en Diagnóstico e Etiopatoxénese do Trastorno Bipolar, Universidade Francisco de Vitoria.
Curso Universitario en Trastornos Esquizoafectivos, Universidade Francisco de Vitoria.
Curso Universitario en Diagnóstico e Estatística dos Trastornos Mentais (DSM-5), Universidade Francisco de Vitoria.